Алматы әкімі Ерболат Досаевтың өкімімен қаланың Коммуналдық инфрақұрылымды дамыту басқармасының басшысы лауазымына Дулат Ашкенов тағайындалды, - деп хабарлайды Massaget.kz тілшісі.
Дулат Ашкенов 1987 жылы 7 маусымда дүниеге келген. Қарағанды мемлекеттік техникалық университетінің және Қазтұтынуодағы Қарағанды экономикалық университетінің түлегі.
Еңбек жолын 2008 жылы Қарағанды облысының жолаушылар көлігі және автомобиль жолдары басқармасының бөлім маманы қызметінен бастаған.
Әр жылдары Қарағанды облысының жол-көлік инфрақұрылымы мен жолаушылар көлігін дамыту бойынша мемлекеттік құрылымдарда жұмыс істеді.
2017-2022 жылдары Астана қаласы Есіл ауданы әкімінің аппаратында жұмыс істеді, Астананың активтер және мемлекеттік сатып алу басқармасында басшылық лауазымдарды атқарды.
2022 жылдан бастап қазіргі тағайындауға дейін Алматы коммуналдық инфрақұрылымды дамыту басқармасы басшысының орынбасары болып жұмыс істеді.
Қызықты жаңалықтар мен видеоларды көру үшін TikTok арнамызға жазылыңыз!