Алматы кафелерінің бірінде студенттер жаппай төбелес ұйымдастырды

Алматыдағы жоғары оқу орындарының бірінің шетелдік студенттері арасында кафеде жанжал шығып, ол жаппай төбелеске ұласқан, - деп хабарлайды Massaget.kz тілшісі.

Төбелес бейнеленген видео әлеуметтік желілерде тарап кетті. Кадрларда бірнеше жігіттің бір-біріне жұдырық ала жүгіріп, орындықтар, дубинка тіпті үстелдерді қолданғанын көруге болады. Алматы қаласының полиция департаменті оқиғаға қатысқан барлық азаматтардың анықталып, Медеу аудандық полиция басқармасына жеткізілгенін хабарлады.

"Олардың әрқайсысының әрекетіне құқықтық баға беріледі. Бұзақылық фактісі бойынша қылмыстық іс қозғалды. Қосымша мән-жайлар анықталуда", - деп хабарлады ведомство өкілдігі.

Әлеуметтік желілердегі ақпаратқа сәйкес төбелеске қатысушылардың бірі басынан ауыр жарақат алып, жедел жәрдем қызметі оларды кафеден ауруханаға жеткізген.

Instagram парақшамызға жазылып, ең қызықты ақпараттарды бірінші болып оқыңыз!