Алматыда көлік салығы бойынша берешегі бар борышкерлердің көлігі айыппұл тұрағына қойылып жатыр, - деп хабарлайды Massaget.kz тілшісі.
"Борышкер" жедел профилактикалық іс-шарасы аясында осындай рейдтер өткізіліп жатыр.
Борышкерлердің көлігі "Сергек" камераларының көмегімен анықталып, қарыз толық өтелгенге дейін айыппұл тұрағына қойылады.
"Бүгінде көлікке салынатын салық бойынша берешек - 4,5 миллиард теңге. Берешектің негізгі бөлігі қозғалтқыштың көлемі 4000 текше сантиметрден асатын көліктерге тиесілі", - деп жазылған хабарламада.
Мемлекеттік кірістер комитеті көлік иелерін тез арада салық берешегін өтеуге шақырды.
Аптаның басты оқиғалары мен пайдалы видеоларды көру үшін YouTube арнамызға жазылыңыз
Ж. Қадыржанова