Алматы әуежайында жаңа терминал төбесінен су ағып жатыр
![Алматы әуежайында жаңа терминал төбесінен су ағып жатыр](/userdata/news/news_111220/image_l.jpg)
Алматы әуежайының жаңа терминалының төбесінен су ағып жатыр. Әуежай әкімшілігі мәселені жою шараларын қабылдаған, - деп хабарлайды Massaget.kz тілшісі.
Әлеуметтік желіде төбеден су ағып жатқаны түсірілген кадрлар пайда болды. Онда сауда бутигі төбесінен су ағып жатқаны көрсетілген.
@shanirak777 #аэропорталматы ♬ оригинальный звук - AX7747AX
Әуежайдың баспасөз қызметі оқиғаға қатысты пікір білдірді.
"Алматы әуежайы терминалында төбеден су ағуына қатысты барлық ақау дереу түзетілгенін хабарлаймыз", - делінген хабарламада.
Олар жолаушылар мен қызметкерлердің қауіпсіздігі әуежай әкімшілігінің басты басымдығы екенін атап өтті.
"Біз жағдайды түзету үшін шұғыл қадам жасадық, соның ішінде: су кету көзін анықтау және оны оқшаулау бойынша шаралар қабылдау, жолаушылар мен қызметкерлердің қауіпсіздігін кедергілер мен көрсеткіштерді орналастыру арқылы қамтамасыз ету, ақауды мүмкіндігінше тез жою үшін мердігерлермен жұмыс жасау", - делінген баспасөз хабарламасында.
Қызықты жаңалықтар мен видеоларды көру үшін TikTok арнамызға жазылыңыз!
Д. Шәріпхан