Алматы әкімдігі тұрғындарға шұғыл ескерту жасады

Алматы әкімдігі тұрғындарға ескерту жасады, - деп хабарлайды Massaget.kz тілшісі қалалық әкімдіктің баспасөз қызметіне сілтеме жасап. 

Әкімдік өкілдері Алматы қаласында ауа температурасының төмендеуіне байланысты көпқабатты тұрғын үйлердің шатырында сүңгі мұздар пайда болып жатқанын ескертті.

"Егер үйдің төбесінен сүңгі мұз байқасаңыз, қауіптің алдын алып, уақытылы тазарту үшін үйіңізге қызмет көрсететін басқару органына (МИБ, ПИК, ЖШС т.б.) хабарласуыңызды сұраймыз. Қауіпсіздік мақсатында үйдің шетіне, балконға және қардың еруі және сүңгі мұз құлауы мүмкін жерде тұрмаңыз, ескерту таспасымен қоршалған жерді айналып өту керек", - делінген хабарламада.

Егер қызмет көрсетуші орган өтінішке құлақ аспаса, Алматы қаласының коммуналдық инфрақұрылымды дамыту басқармасының +7 (727) 225-14-31 нөміріне, сонымен қатар, төмендегі телефон нөмірлеріне қоңырау шалу қажет.

Жұмыс кестесі: дүйсенбі-жұма; сағат: 9:00-18:00-ге дейін.

Жаңалықтарды бәрінен бұрын біліп отырғыңыз келсе, Telegram-арнамызға жазылыңыз!