Almaty Open: қазақстандық дербиде Шевченко Кукушкинді ұтты

Қазақстанның екінші, әлемнің 61-ракеткасы Александр Шевченко Алматы ATP 250 турнирінің екінші айналымына өтті, - деп хабарлайды Massaget.kz тілшісі.

Қазақстандық теннисші алғашқы айналымда жарысқа іріктеу сайыстарынан кейін қосылған отандасы, рейтингте 111-орында тұрған Михаил Кукушкинмен сынға түсті.

Қос қазақстандық теннисшінің кездесуі екі тай-брейкте шешілді - 7:6 (7:5), 7:6 (7:4). Жеңіс Шевченконың еншісінде кетті.

Екі сағат 23 минутқа созылған тартысты бәсеке барысында Шевченко 8 эйс жасап, 10 брейк-пойнттың екеуін өз есебіне жазды. Кукушкин 4 эйс, 2 брейкпен (4 брейк-пойнт) көзге түсті.

Александр Шевченко ширек финалға шығу үшін рейтингте 139-сатыдағы ресейлік Аслан Карацевпен кездеседі.

Өзекті жаңалықтарды өз уақытында оқу үшін Facebook парақшамызға жазылыңыз!