Алимент төлеуден жалтарған ер адам "қайтыс болған"
![Алимент төлеуден жалтарған ер адам "қайтыс болған"](/userdata/news/news_107353/image_l.jpg)
Алимент берешегі бар қазақстандық "қайтыс болғанын" мәлімдеген. Бұл туралы Қарағанды облысының жеке сот орындаушысы Саяхат Ахметжанов айтып берді, - деп хабарлайды Massaget.kz тілшісі.
Борышкердің алимент төлеуден қасақана жалтаруына байланысты жүргізуші куәлігінің жарамдылығын тоқтата тұру туралы сотқа жолдама берілді.
"Сот құрған чатта борышкер анасының атынан қайтыс болғанын жаза бастағанда таңғалдық. Әрине, біз сұраныс жасадық және борышкердің тірі және сау екенін анықтадық (сонымен бірге, оның психикалық жай-күйіне де өтініш жолдадық). Сонымен қатар, борышкер күн сайын TikTok желісінде түрлі контент жарялап отырды", - дейді сот орындаушысы.
Бір қызығы, тіпті тыңдау күні де борышкер қалалық зираттардың бірінде - "6-нөмірлі қабірде" жатқанын жазды.
"Мен АҚШ-та адам өзін басқа адам/болмыс/зат ретінде таныстыра алады деп естігем, бірақ Қазақстанда бұл мұндайда алғаш көруім. Борышкерлер өздеріне кедергі келтіретін тыйымға тап болғанда, әрқашан құқығына нұқсан келгені туралы айта бастайды. Енді мені мынадай сұрақ мазалайды: борышкер қарызды ерте ме, кеш пе өтейді және тыйымды алып тастауға келеді, мен өзін өлі деп таныған адамның құқығына нұқсан келтірмеймін бе, өйткені қайтыс болған адамға жүргізуші куәлігі беріле ме?"- дейді Ахметжанов.
Посмотреть эту публикацию в Instagram
Жаңалықтарды бәрінен бұрын біліп отырғыңыз келсе, Telegram-арнамызға жазылыңыз!
С. Бөлек