Әлемдегі ең биік әрі ең жылдам лифті туралы не белгілі?

Әлемдегі ең биік әрі жылдам лифт туралы білесіз бе? Ол туралы не белгілі? 1 минутта 326 метр биікке көтерілетін лифт қайда орналасқан? Толығырақ Massaget.kz материалында.

Байлун немесе "Жүз айдаһар" лифті Қытайдағы Чжанцзяцзе ұлттық саябағында орналасқан. Ол туристерді бірнеше минут ішінде 326 метр биіктікке көтереді.

© AFP 2024 / Wang Zhao

Бұл лифт бірден үш рекорд бойынша Гиннестің рекордтар кітабына енеді:

• ең жылдам жолаушылар лифті;
• ең биік лифт;
• әлемдегі ең үлкен жүк көтергіш лифт. 

Жүк көтергіштігі 3750 келі дейінгі 3 екі қабатты кабинасы 60 секундта 100-ге жуық туристі көтеріп-түсіреді. Ал бір сағатта 1380 турист міне алады. 

 Лифтің құрылысы 1999 жылы басталып, 2002 жылы пайдалануға берілді. 

© AFP 2024 / Wang Zhao

Жер сілкінсе, не болмақ?

Лифтіде сейсмикалық датчиктер бар. Жер сілкінсе, адамдар аз уақытта эвакуацияланып, жерге түсіріледі. Бір қызығы, туристер бұл лифтіге міну үшін тіпті 4 сағаттап кезек күтеді. 

Чжанцзяцзе ұлттық саябағынан лифтке кіреберісінде "Аватар" мүсіні тұр. Мұнда режиссер Джеймс Камеронның "Аватар" фильмі түсірілген. 

Саябаққа кіру құны – 248 юань немесе 17 мың теңге. Бұл бағаға 3-4 күн аралауға мүмкіндік берілген, ал лифтке бір рет мініп-түсу үшін 72 юань (4 932 теңге) төлеуіңіз керек. 

Посмотреть эту публикацию в Instagram

Публикация от МАРГАРИТА КУСТ 🇨🇳 ГУРУ ИЕРОГЛИФИКИ | КИТАЙСКИЙ БЕЗ ЗУБРЁЖКИ (@margarita_koust)

Айта кетейік, лифт ауа райы қолайсыз болғанда жабылады. Жалпы, Чжанцзяцзеде ылғал және тропикалық климат. Көбіне күн шығып, жаңбыр жауады. Қыс қысқа, ал жаз ұзақ болады. Мұнда аяз немесе аптап ыстық болмайды. Жазда ауаның орташа температурасы 27 градус. 

Instagram парақшамызға жазылып, ең қызықты ақпараттарды бірінші болып оқыңыз!