Әлдекім бір зат лақтырып жіберген: Жапонияның премьер-министрі сөз сөйлейін деп жатқанда жарылыс болды

15 сәуір 2023, 10:12

Жапонияның премьер-министрі Фумио Кисида Вакаяма қаласында сөз сөйлейтін кезде жарылыс болды , - деп хабарлайды Massaget.kz тілшісі NHK телеарнасына сілтеме жасап.

"Сағат 11:30 шамасында (астана уақытымен 8.30-да) премьер-министр Вакаяма қаласындағы Саигасаки балық аулау портын тексеруді аяқтап, сөз сөйлеуі қажет болған. Бірақ қатты жарылыс даусы естілді", - делінген хабарламада.

Киодо агенттігінің мәліметінше, премьер жаққа әлдекім бір зат лақтырып жіберген.

Оқиға орнында бір адам ұсталды. Ол полицияға жеткізілді. Зардап шеккендер туралы ақпарат жоқ. Бұл деректің мән-жайы анықталып жатыр.

Жаңалықтарды бәрінен бұрын біліп отырғыңыз келсе, Telegram-арнамызға жазылыңыз!

С. Сатыбалдина