Шымкентте атышулы сот процесі аяқталды. Алматы мен Шымкент қалаларының тұрғындары Мекке мен Мединаға барамыз деп алданып қалған болатын, - деп хабарлайды Massaget.kz тілшісі otyrar.kz-ке сілтеме жасап.
Сотталушылар орындығында Кausar Trаvel туристік фирмасының директоры болды, ол жүздеген қазақстандықты алдады деген күдікке ілінген еді. Қажылардың әрқайсы қасиетті жерлерге бару үшін кем дегенде мың доллар төлепті. Олардың кейбіреулері Қазақстаннан ұшып кете алмаса, ал кейбіреулері шет елде баспана, ақша, тамақсыз қалды.
Сот процесі басталғанға дейін сотталушы журналистермен сөйлесуге және істің анық-қанығын бөлісуге ниет білдірді.
"ҰҚК-ге, Шымкент ПД-ға және инстанцияға арыз жаздым. Іс бойынша Бекболат Тілеуханов та өтуге тиіс. Ол алданған адамдардың барлық ақшасын алып кетті..." - деді сотталушы сот процесі басталғанға дейін.
Сотта 300-ге жуық адам куә болды. Зардап шеккендер одан да көп болуы мүмкін. Сот жарыссөзінде прокурор компания директорын 4 жыл 8 айға бас бостандығынан айыруды сұрады.
"Сот үкімімен сотталушы кінәлі деп танылып, 6 жылға бас бостандығынан айырылды. Ол жазасын орташа қауіпсіздік мекемесінде өтейді", - деп судья Айнель Орақбаева.
Турфирма директоры өз кінәсін мойындамады.
Айта кетейік, жанжал биыл қаңтарда, ал сот процесі шілдеде басталды. Шамамен екі ай бойы судья осы іс бойынша зардап шеккендер мен куәгерлерден жауап алды.
Еске салайық, бұған дейін СІМ өкілі осы жағдайға қатысты пікір білдіргені хабарланған еді.
Тағы да оқи отырыңыздар: От жағу қалай пайда болды? Оның маңызы туралы не айтасыңдар?
Аптаның басты оқиғалары мен пайдалы видеоларды көру үшін YouTube арнамызға жазылыңыз