Алдағы күндері солтүстік пен оңтүстікте ауа райы екі түрлі болады
![Алдағы күндері солтүстік пен оңтүстікте ауа райы екі түрлі болады](/userdata/news/news_113299/image_l.jpg)
Фото:
©️ Tengrinews.kz / Турар Казангапов
Алдағы күндері елдің солтүстігінде қатты жаңбыр жауады, оңтүстігінде өте қатты ыстық болады, - деп хабарлайды Massaget.kz тілшісі.
Алдағы үш күнде ел аумағының көп бөлігіне циклон әсер етеді, жаңбыр, найзағай, қатты жел, бұршақ жауады, 6-8 тамызда батыста және солтүстік-батыста, 7-8 тамызда солтүстікте кей уақыттарда қатты жаңбыр жауады. Қазақстан бойынша желдің күшеюі болжанады.
Еліміздің оңтүстігінде күндізгі уақытта өте қатты ыстық +38+45°С болады деп болжануда, ал республиканың қалған аумағында температуралық фонда күрт өзгерістер күтілмейді.
Аптаның басты оқиғалары мен пайдалы видеоларды көру үшін YouTube арнамызға жазылыңыз
С. Сатыбалдина