Алдағы күндері ауа райы қандай болады?
![Алдағы күндері ауа райы қандай болады?](/userdata/news/news_41187/image_l.jpg)
Синоптиктер Қазақстанда 11-13 қазанда ауа райының қандай болатыны жайлы айтып берді,- деп хабарлайды Tengrinews.kz тілшісі "Қазгидромет" республикалық-мемлекеттік кәсіпорнына сілтеме жасап.
"Қазақстанға келген атмосфералық фронттардың әсерінен, алдағы үш тәулікте ауа райының қандай болатыны анықталады. Осы фронттардың әсерінен көптеген аудандарда жауын-шашын, сулы қар, тұман және көктайғақ күтіледі. Күндізгі уақытта ауа температурасы климат нормасынан 3-6 градусқа төмен болады", - делінген хабарламада.
Синоптиктердің мәліметінше, еліміздің оңтүстігінде және оңтүстік-шығында 12 қазаннан бастап жауын-шашын жауса, 13 қазанда өткінші жаңбыр күтіледі, ауа температурасы әдеттегіден 3-5 градусқа төмен болады. Ал республикамыздың батыс бөлігінде ғана алдағы тәулікте жауын-шашын күтілсе, қалған күндері күндізгі уақытта ауа райын жауын-шашынсыз болып, ауа температурасы 5-13 градустан жоғарыламайды.
Айта кетейік, осыған дейін қазан айында ауа райы қандай болатыны айтылған еді.
О. Сансызбай