Қазгидромет 17, 18, 19 сәуірге арналған ауа райы болжамын жариялады, - деп хабарлайды Massaget.kz тілшісі.
Республиканың басым бөлігінде жауын-шашын жауады, ал 17 сәуірде елдің шығысында қатты жауын-шашын жауады.
Қазақстанның солтүстігінде, орталығында және шығысында түнде 1-6 градусқа дейін, күндіз 1-8 градусқа дейін ауа температурасы төмендейді, елдің оңтүстігіндегі таулы және тау бөктеріндегі аудандарда түнде қар мен жаңбыр түрінде жауын-шашын жауады, күндіз де жаңбыр жауады, түнде 3 градусқа дейін аяз болады.
Тек Қазақстанның батысында ауа райы негізінен жауын-шашынсыз болады және ауа температурасы күндіз 17-22-ден 23-28 градусқа дейін біртіндеп көтеріледі.
Қазақстан бойынша екпіні 15-20 м/с дейін жел күшейеді, түнгі және таңертеңгі уақытта тұман түседі.
Жаңалықтарды бәрінен бұрын біліп отырғыңыз келсе, Telegram-арнамызға жазылыңыз!
Ж. Қадыржанова