Алдағы демалыс күндері ауа райы қандай болады?

Синоптиктер алдағы демалыс күндері ауа райы қандай болатынын айтты, - деп хабарлайды Massaget.kz тілшісі.

Қазақстанның басым бөлігінде ауа райы тұрақсыз болады: жаңбыр жауып, оңтүстік өңірлерде найзағай байқалады. 

7 қыркүйекте республиканың солтүстігінде, оңтүстігінде және оңтүстік-шығысында қатты жаңбыр жауып, республиканың шығысында және оңтүстік-шығысындағы таулы аудандарында жауын-шашын (жаңбыр, қар) болады.

Тек елдің батысында, солтүстік-батыс антициклон сілемімен, ауа райы жауын-шашынсыз болады. Қазақстан бойынша жел күшейеді деп болжанып отыр. Түнгі және таңертеңгі сағаттарда солтүстік, шығыс, орталық аймақтарда тұман күтіледі.

7 қыркүйекте солтүстікте, шығыста және орталықта, 8 қыркүйекте Қостанай облысында, еліміздің оңтүстік-шығысындағы таулы аудандарында 3 градусқа дейін үсік болады.

Instagram парақшамызға жазылып, ең қызықты ақпараттарды бірінші болып оқыңыз!