Алапат өрт, төтенше жағдай: Лос-Анджелесте не болып жатыр?

Калифорния штатының Лос-Анджелес қаласы маңында орман өрті өршіп жатыр. Өрт салдарынан қаза тапқандар бар, - деп хабарлайды Massaget.kz тілшісі.

"Голливуд" жазуының өртенуі

Лос-Анджелесте 2025 жылдың 7 қаңтарынан бастап ірі орман өрттері басталды. Әлеуметтік желіде алапат өрттің жалыны Лос-Анджелестегі әйгілі Голливуд белгісіне де жеткенін растайтын фотосуреттер пайда болды.

Кемінде 1000 құрылыс ғимараты зардап шегіп, 150 мыңнан астам адам эвакуацияланды. 

The Hollywood sign is now covered in flames pic.twitter.com/zaFgbxqD2I

— Jesse Free (@JesseFree8) January 9, 2025

Өрт неден шыққан?

Өрттің шығу себептері әлі де анықталып жатыр. Қазіргі уақытта Лос-Анджелес пен көрші Вентура ауданында кем дегенде 6 өрт ошағы бар. Ең үлкен өрт ошағы Санта-Моника мен Малибу арасындағы Пасифик-Палисейдс ауданында тіркелді. Оның аумағы 60 шаршы шақырымнан асты. 

Жан шығыны мен жалпы шығын

NBC хабарлағандай, сейсенбіде өрттен қорыққан жұрт түтіннен құтыламыз деп Sunset бульварына көліктерін тастап қашып кеткен. Лос-Анджелес округінің өрт сөндіру бөлімінің бастығы Энтони С.Марроне  өрттен екі адамның қаза тапқанын айтты. Кейін билік өрттен жалпы бес адамның қаза тапқанын хабарлады. Қазір Лос-Анджелестің он мыңдаған тұрғындарына эвакуациялауға бұйрық берілді, ал билік тұрғындарды ескертулерді тыңдап, үйлерінен кетуге шақырды.

AccuWeather компаниясының мәліметінше, өрттен келген жалпы шығын 57 миллиард долларды құрады.

🚨ALL SOCAL FIRES ARE AT 0% CONTAINMENT & ALL FIRES ARE GROWING - LAFD pic.twitter.com/q89CPhJUqz

— Breaking911 (@Breaking911) January 9, 2025

Жұлдыздардың үйі өртке оранды

Өрт аймағында Камала Харристің резиденциясы, сондай-ақ Бен Аффлек, Том Хэнкс сынды актерлер мен әнші Рианнаның үйлері орналасқан. TMZ хабарлауынша, Малибу жағажайындағы актриса және әнші Пэрис Хилтонға тиесілі үйлердің бірі толығымен өртеніп кеткен. Кейінірек Хилтон әлеуметтік желіде бұл ақпаратты растап, "бұл жағдай жүрегімді жаралады" деп мәлімдеді.

View this post on Instagram

A post shared by Paris Hilton (@parishilton)

Лос-Анджелес маңындағы, қала орталығынан батысқа қарай 20 мильдей жерде орналасқан 23 000 тұрғыны бар Палисад қаласы түгелдей өртеніп кетті. 1000-нан астам үй қирап, тұрғындардың көпшілігі қаланы тастап кетті.

Байденнің әрекеті

АҚШ президенті Джо Байден штаттың күш-жігерін толықтыру үшін федералды көмекке тапсырыс берді. Президенттің әрекеті Лос-Анджелес округіндегі зардап шеккендерге федералды қаржыландыруды қамтамасыз етеді. Көмекке уақытша тұрғын үй мен үйді жөндеуге гранттар, сақтандырылмаған мүліктік шығындарды жабуға арналған арзан несиелер және басқа бағдарламалар кіруі мүмкін.

Аптаның басты оқиғалары мен пайдалы видеоларды көру үшін YouTube арнамызға жазылыңыз