Аламан бәйгені Айқабақ жеңді

25 шақырымға жалғасқан Аламан бәйгегеде қазақстандық екі тұлпар жүлделі орындарды иеленді,- деп хабарлайды Massaget.kz тілшісі.

Аламан бәйгеге 27 шабандоз қатысты. Соңғы айналымда 7 ат қана қалды. Мәре сызығын бірінші болып «Айқабақ» кесті. «Жұмыртұяқ» екінші болып келсе, қырғызстандық сәйгүлік – «Қара қыз» үштікті түйіндеді. Қазақстан қоржынында бір алтын, бір күміс бар.

1-орын: «Айқабақ», шабандоз – Ансар Арыстанбек, бапкері – Сапарғали Сатпаев, ат иесі – Жамбыл Бөбекбай (Қазақстан);

2-орын: «Жұмыртұяқ», шабандоз – Хамза Аманкелді, бапкері – Марат Ақберлинов, ат иесі – Марлан Бектенов (Қазақстан);
3-орын: «Қара қыз», шабандоз – Элесов Нурэл, бапкері – Керимбеков Нурбек, ат иесі – Сырғақ уулу Изат (Қырғызстан).

Айта кетейік, көшпенділер ойындарында 21 спорт түрі бойынша 97 медаль жиынтығы сарапқа салынады. Медальдің жалпы саны – 581 дана. Қазақстан құрамасынан 261 спортшы бақ сынайды. Бүгін көшпенділер ойындарының соңғы күні. 

Instagram парақшамызға жазылып, ең қызықты ақпараттарды бірінші болып оқыңыз!