Әскери қызметшілер Алакөл жағалауын патрульдеу барысында жағалаудан шамамен 50 метр қашықта, шомылуға тыйым салынған жерде суға батып бара жатқан екі әйел адамды байқаған, - деп хабарлайды Massaget.kz тілшісі.
Олар дереу құтқару жұмыстарына кіріскен.
"Қатты жел мен толқын салдарынан жағалаудан алыстап кеткен анасы мен қызы ес-түссіз күйде жағаға шығарылды. 2012 жылы туған қыз аман қалды. Өкінішке қарай, 1991 жылы туған әйелді құтқару мүмкін болмады. Оқиға орнына келген жедел жәрдем қызметкерлері әйел қайтыс болғанын тіркеді", - деп жазылған Абай облысы ТЖД хабарламасында.
Төтенше жағдайлар департаменті өңір тұрғындары мен қонақтарын судағы қауіпсіздік қағидаларын қатаң сақтауға шақырды.
Аптаның басты оқиғалары мен пайдалы видеоларды көру үшін YouTube арнамызға жазылыңыз
Ж. Қадыржанова