Әлеуметтік желіде әйгілі ақын Мұхтар Шахановтың соңғы аманаты делінетін хат тарады. Онда ақын көзі тірісінде ата-бабасының мекені Отырарда, Арыстан баб кесенесі маңына жерлеуді сұрағаны айтылады, - деп хабарлайды Massaget.kz тілшісі.
Редакция Мәдениет және ақпарат министрлігінен ақын қайда жерленетінін сұрады. Бұл сауалға ведомство "әзірге белгісіз" деп жауап берді.
Ал Қазақстан Жазушылар одағы марқұмның жаназасы 21 сәуірде сағат 9:00-де Абай атындағы Қазақ ұлттық опера және балет театрынан шығарылатынын хабарлады.
Қазақстан Жазушылар одағы
Сонымен қатар, ақын Кеңсай-2 зиратында жерленетіні көрсетілген.
Посмотреть эту публикацию в Instagram
Жұртшылық бұл ақынның аманатына қиянат екенін жазып жатыр: "Өкінішті! Ақынның аманатына қиянат екен", "Кеңсайға жерлейді екен ғой. Еее, өмір-ай".
Айта кетейік, 19 сәуірде Қазақстанның Халық жазушысы, Еңбек Ері, көрнекті ақын, драматург, қоғам қайраткері Мұхтар Шаханов 84 жасқа қараған шағында дүниеден озды.
Мұхтар Шаханов 1942 жылы 2 шілдеде Түркістан облысы Төле би ауданы Қасқасу ауылында дүниеге келген. Ол - ақын, драматург, қоғам қайраткері, Қазақстанның Еңбек Ері (2022 ж.), Қазақстанның Халық жазушысы (1996 ж.), Қырғыз Республикасының Халық ақыны (1994 ж.).
Аптаның басты оқиғалары мен пайдалы видеоларды көру үшін YouTube арнамызға жазылыңыз
Ж. Қадыржанова