Ақтөбелік ер адам ұрыларға өз туысының пәтерін тонауға көмектескен

Қаңтар айының басында Ақтөбедегі пәтерден ірі көлемде ақша ұрланды. Күдіктілер пәтерге пластикалық терезе арқылы кіріп, 10 миллион теңгені қолды қылған, - деп хабарлайды Massaget.kz тілшісі Рolisia.kz-ке сілтеме жасап.

Жедел іс-шаралар барысында полиция қызметкерлері төрт күдіктіні анықтап, ұстады. Тергеп-тексеру барысында ұрыларға жәбірленушінің туысы көмек көрсеткені анықталды. Ол күдіктілерге туысының пәтерінде қолма-қол ақша бар екенін айтқан.

\

Ұрланған ақшаны күдіктілер өз қажетіне жұмсаған, несиелерін төлеп, ойын-сауық орындарына барған.

Ұсталғандардың барлығы уақытша ұстау изоляторына қамалды. Сотқа дейінгі тергеп-тексеру жүргізіліп жатыр.

Instagram парақшамызға жазылып, ең қызықты ақпараттарды бірінші болып оқыңыз!