Ақтөбеде «Таза Қазақстан» бағдарламасы аясында «Ескерткіш – ел тарихы» акциясы өтті
![Ақтөбеде «Таза Қазақстан» бағдарламасы аясында «Ескерткіш – ел тарихы» акциясы өтті](/userdata/news/news_115095/image_l.jpg)
29 тамызда Ақтөбе облысында «Таза Қазақстан» бағдарламасы аясында «Ескерткіш – ел тарихы» акциясы өтті.
Өңір жастары аталған акцияға белсенді қатысты. «Жас Инвент» жастар ұйымының көшбасшысы Дана Жүсіптің айтуынша: «Біз халқымыздың мәдени-тарихи мұрасын сақтауға үлесімізді қосуды, ұлы қайраткерлерімізді еске алуды өз міндетіміз деп санаймыз. Біз бұл жұмысты жалғастырамыз».
Акцияның басты мақсаты - тарихи ескерткіштерді сақтау және мәдени-тарихи мұраны қорғау мәселелеріне жұртшылықтың назарын аударту.
Ақтөбе облысында ескерткіштерді қалпына келтіру, сондай-ақ олардың бастапқы келбетін қалпына келтіру бойынша жоспарлы жұмыстар жүргізілуде. Өйткені олардың арқасында өткенмен байланыс сақталады және мұра болашақ ұрпаққа беріледі.
«Ескерткіш – ел тарихы» акциясы интернационалист-жауынгерлерге арналған ескерткіш-обелиск және аштық пен саяси қуғын-сүргін құрбандарына арналған мемориалда өтті.
«Жас Инвент» жастар ұйымының белсенділері ескерткіштер аумағындағы қоқыстарды тазартты, ал мердігер ұйымдар жарылған плиткаларды ауыстырды, ескерткіштердің жарықтарын ауыстырып, жаңартты.
Ескерткіштер аумағын жөндеу, абаттандыру мен тазалау акциясы облыстың барлық аудандарында өтті.
Анықтама: Ақтөбе облысында мемлекеттік тізілімге енгізілген барлығы 863 ескерткіш бар. Оның 9-ы республикалық, қалғандары жергілікті маңызы бар ескерткіштер. Сондай–ақ археологиялық ескерткіштер – 669, монументалды өнер ескерткіштері – 58, қала құрылысы және сәулет ескерткіштері – 87, ансамбльдер – 6, киелі нысандар - 43 бар. Бұдан өзге, тарихи-мәдени мұра объектілерін алдын ала есепке алу тізімінде 1431 нысан тіркелген.
Ақтөбе облысының әкімдігі ұсынған материал
Қызықты жаңалықтар мен видеоларды көру үшін TikTok арнамызға жазылыңыз!
С. Сатыбалдина