Ақтөбеде өзгенің телефонын тартып алып, қашып кеткен ер адам жарты жылдан соң ұсталды

Ақтөбеде тұрғынды тонап, құзырлы органдардан жарты жылдан астам уақыт жасырынып жүрген азамат ұсталды, - деп хабарлайды Massaget.kz тілшісі Polisia.kz-ке сілтеме жасап.

Ол былтыр маусым айында көшеде Ақтөбе тұрғынының телефонын тартып алып, қашып кеткен.

Полиция жедел іс-шаралар жүргізу барысында күдікті ретінде 49 жастағы ер азаматты анықтап, мемлекетаралық іздеу жариялады.

Жедел-іздестіру шаралары нәтижесінде жуырда ер адам Ақтөбеде ұсталып, уақытша ұстау изоляторына қамалды. Күдікті кінәсін мойындады.

Қазіргі таңда сотқа дейінгі тергеп-тексеру жұмыстары жүргізіліп жатыр.

Аптаның басты оқиғалары мен пайдалы видеоларды көру үшін YouTube арнамызға жазылыңыз