Ақтөбеде ауыр қылмыс жасады деген күдіктілер ұсталды
![Ақтөбеде ауыр қылмыс жасады деген күдіктілер ұсталды](/userdata/news/news_102401/image_l.jpg)
Ақтөбеде студентке қарсы ауыр қылмыс жасады деген күдіктілер ұсталды, - деп хабарлайды Massaget.kz тілшісі ІІМ баспасөз қызметіне сілтеме жасап.
19 ақпанда белгісіз екі адам 22 жастағы студентті қорқыту арқылы одан қолма-қол ақша мен жеке мүлкін талап еткен.
"Жәбірленуші олардан қашып, жақын маңдағы дүкенге кіріп үлгерген. Алайда олар дүкенге кіріп, жәбірленушіні ұрып-соғып, өздерімен бірге алып кетуге тырысқан. Полицейлер жүргізілген жедел іс-шаралар кешені нәтижесінде күдікті 18 және 19 жастағы екі жігіт анықталып, ұсталды", - делінген хабарламада.
Тонау дерегі бойынша соталды тергеп-тексеру жүргізіліп жатыр. Мұндай қылмыс үшін мүлкі тәркіленіп, үш жылдан жеті жылға дейінгі мерзімге бас бостандығынан айыру түріндегі жаза көзделген.
Өзекті жаңалықтарды өз уақытында оқу үшін Facebook парақшамызға жазылыңыз!
Д. Шәріпхан