Ақтөбеде 16 жастағы оқушы өзіне қол жұмсады, - деп хабарлайды Massaget.kz тілшісі.
Облыстық Полиция департаменті баспасөз қызметі мәліметінше, оқиға 13 қыркүйекте болған. Полиция бөліміне көршілерінің сарайынан 2007 жылы туған кәмелетке толмаған баланың мәйіті табылғаны туралы хабарлама түскен.
"Осы дерекке қатысты ҚР Қылмыстық кодексінің 105-бабы "Өзіне өзі қол жұмсауға дейін жеткізу" бойынша соталды тергеу жүргізіліп жатыр. Жасөспірімнің өз-өзіне қол жұмсауының себептері анықталып жатыр", - деді Полиция департаменті баспасөз қызметінің жетекшісі Ерболат Сарқұлов.
Айта кетейік, бұған дейін ақтөбелік еріктілер баланың жоғалғаны туралы әлеуметтік желіге хабарлама таратқан болатын. Онда 16 жастағы жасөспірім сағат 19:00 шамасында шығып кеткені айтылған еді.
Оқушы қаладағы №8 орта мектепте оқитыны белгілі болды.
Кәмшат Сексенбайқызы
Қызықты жаңалықтар мен видеоларды көру үшін TikTok арнамызға жазылыңыз!