Ақтөбе облысында Ш.Берсиев ауылының тұрғындары эвакуацияланып жатыр
![Ақтөбе облысында Ш.Берсиев ауылының тұрғындары эвакуацияланып жатыр](/userdata/news/news_104228/image_l.jpg)
Ақтөбе облысында Ш.Берсиев ауылының тұрғындары эвакуацияланып жатыр, - деп хабарлайды Massaget.kz тілшісі.
Ш.Берсиев ауылының тұрғындары аудан орталығындағы пункттерге орналастырылады. Ойыл ауданының орталығы Ойыл ауылындағы спорт мектебі, аграрлық колледж және 38 үй эвакуациялық пункт ретінде ұйымдастырылған. Бұл орындарға Берсиевтің тұрғындары көшіріледі.
"Төсек-орын, гигиеналық заттар, тамақтандыру жағы қарастырылған. Сондай-ақ, дәрігерлік көмек көрсету қажеттілігі туындаған жағдайда аудандық аурухананың қызметкерлері дайын тұр. Медициналық құрал-жабдықтары мен дәрі-дәрмектер бар. Қосымша Ақтөбеден көпсалалы кең профильді балалар ауруханасынан реаниматолог, хирург, педиатрлармен бірге, №2 Ақтөбе қалалық емханасының бас психологі де эвакуациялық пунктке көшірілетін тұрғындарды күтіп отыр", - деп жазылған өңір әкімдігі хабарламасында.
Ш. Берсиев атындағы ауылдың 27 тұрғыны эвакуациялық пунктке бірінші рейспен жеткізілді. Оның ішінде ересектер саны - 19, балалар саны - 8.
Жаңалықтарды бәрінен бұрын біліп отырғыңыз келсе, Telegram-арнамызға жазылыңыз!
Ж. Қадыржанова