Ақтөбе облысында өрт шығып, 15 адам эвакуацияланды

Фото: ТЖМ

23 қазан 2024, 13:10

Ақтөбе облысында тұрғын үйден өрт шықты, - деп хабарлайды Massaget.kz тілшісі.

Өртсөндірушілер 15 адамды эвакуациялады.

Бүгін Ақтөбе қаласы Әбілқайыр хан даңғылындағы 9 қабатты тұрғын үйдің 1 қабаттағы кіреберісте балалар арбасы өртеніп кеткен.

ТЖМ күштері баспалдақ маршымен 15 адамды, оның ішінде 2 баланы эвакуациялады.

Өртсөндірушілердің жедел әрекеттерінің арқасында өрт шағын алаңда сөндірілді.

Өрт туындаған жағдайда 112 нөміріне қоңырау шалыңыз.