Ақтөбе облысында көлік қозғалысына шектеу қойылды

Ақтөбе облысында республикалық маңызы бар жолдарда көлік қозғалысына шектеу қойылды, - деп хабарлайды Massaget.kz тілшісі.

Бұл туралы "ҚазАвтоЖол" ұлттық компаниясының баспасөз қызметі мәлімдеді.

Бұған ауа райының бұзылуы себеп болған.

"2024 жылғы 6 қарашада сағат 17:00-де Ақтөбе облысында ауа райының бұзылуына байланысты республикалық маңызы бар Самара-Шымкент автожолының 776-965-шақырым аралығында (Ақтөбе қаласынан Қарабұтақ ауылына дейін) жүк және қоғамдық көліктердің қозғалысына шектеу қойылады", - делінген хабарламада.

6 қарашада сағат 17:30-да республикалық маңызы бар Ақтөбе-Мәртөк-РФ шекарасы автожолының 23-64 шақырым аралығында ("ЭкоОйл" жанармай стансасынан "Лидер" жанармай стансасына дейін) жүк және қоғамдық көліктердің қозғалысына шектеу қойылады.

Өзекті жаңалықтарды өз уақытында оқу үшін Facebook парақшамызға жазылыңыз!