Ақтөбе облысында көлік көпірден құлап, жүргізуші мен жолаушы аман қалды

Ақтөбе облысында көлік көпірден құлап кетті, - деп хабарлайды Massaget.kz тілшісі Ақтөбе облысының полиция департаментінің баспасөз қызметіне сілтеме жасап.

Желіде көліктің көпірден құлаған видеосы тарады. Көлік шамамен төрт метр биіктіктен құлағаны белгілі болды.

Посмотреть эту публикацию в Instagram

Публикация от АКТОБЕ СЕРГЕК | AQTOBE SERGEK (@aqtobe_sergek)

Ресми мәлімет бойынша, 27 желтоқсанда Ақтөбе - Астрахан тасжолының Алға қаласына жақын жерінде ВАЗ-2114 пен Toyota Sienna көлігі соқтығысты. Жол апаты салдарынан ВАЗ-2114 көлігі көпірден құлаған. Осы көліктің жүргізушісі мен жолаушысы түрлі жарақат алып, ауруханаға жеткізілді.

"Жол апаты бойынша сотқа дейінгі тергеу басталды. Полиция департаменті мұндай оқиғалардың алдын алу үшін жол қозғалысына қатысушылардың, әсіресе көлік қозғалысы көп жерлерде жүру ережелерін сақтауы маңызды екенін еске салады", - делінген полиция хабарламасында. 

Қызықты жаңалықтар мен видеоларды көру үшін TikTok арнамызға жазылыңыз!