Ақтөбе облысында жасөспірім 3 жастағы баланы қағып өлтірді, тағы екеуі ауруханаға түскен
![Ақтөбе облысында жасөспірім 3 жастағы баланы қағып өлтірді, тағы екеуі ауруханаға түскен](/userdata/news/news_88178/image_l.jpg)
Фото:
@POLICE_of_KZ
Ақтөбе облысында жасөспірім үш адамды қағып кетті. Үш жастағы бала қаза болды, тағы екі жаяу жүргінші ауруханаға жатқызылған, - деп хабарлайды Massaget.kz тілшісі ІІМ баспасөз қызметіне сілтеме жасап.
Қайғылы оқиға 2 тамызда сағат 21:30-да Сарыжар ауылында болған.
"Әйтеке би көшесімен жүріп келе жатқан 17 жастағы ВАЗ-21140 автокөлігінің жүргізушісі жолдың жүріс бөлігінен өтіп бара жатқан 28 жастағы жаяу жүргінші мен екі кәмелетке толмаған баланы қағып кеткен. Салдарынан 3 жасар бала жедел жәрдем көлігінде қаза болды, қалған екі жаяу жүргінші облыстық ауруханаға жатқызылды", - делінген хабарламада.
ҚР ҚК-ның 345-бабы 3-бөлігі бойынша соталды тергеу жүргізіліп жатыр.
Жаңалықтарды бәрінен бұрын біліп отырғыңыз келсе, Telegram-арнамызға жазылыңыз!
Д. Шәріпхан