Ақтөбе облысында жантүршігерлік жол апатынан екі жүргізуші де көз жұмды

Фото: видеодан алынған кадр

11 шілде 2023, 16:37

Ақтөбе облысында адам өліміне әкеліп соқтырған жол апаты болды, - деп хабарлайды Massaget.kz тілшісі ІІМ баспасөз қызметіне сілтеме жасап.

11 шілдеде сағат 12:30-да Ақтөбе-Орынбор тасжолының 20-шақырымында ВАЗ-2111 және ВАЗ-2115 автокөліктері соқтығысқан.

Салдарынан екі көлік жүргізушісі оқиға орнында қаза тапты. Үш жолаушы жедел түрде ауруханаға жеткізілді.

ҚР Қылмыстық кодексінің 345-бабы 3-бөлігі бойынша соталды тергеу басталды.