Ақтөбе облысында дүкеннен телефондарды ұрлаған сатушы ұсталды

Ақтөбе облысында полиция дүкеннен телефондарды қолды қылған сатушыны ұстады, - деп хабарлайды Massaget.kz тілшісі Polisia.kz-ке сілтеме жасап.

Полицияға тұрмыстық техниканы сататын дүкеннің директоры жүгінді. Оның айтуынша, бірнеше ай ішінде дүкеннен үш ІPhone 15 pro телефоны ұрланған. Жалпы шығын 1,5 миллион теңгеден асты. 

Жедел іс-шараларды өткізу барысында полиция қызметкерлері дүкен сатушысының ұрлық жасағанын анықтады. 

21 жастағы күдіктінің ұрланған телефондарын ломбардқа тапсырғаны анықталып, жедел-тергеу тобы телефондарды тәркіледі.   

Ұрлық фактісі бойынша сотқа дейінгі тергеп-тексеру жүргізіліп жатыр.

Өзекті жаңалықтарды өз уақытында оқу үшін Facebook парақшамызға жазылыңыз!