Ақтөбе облысында ауыл мұғалімі өзі білмей банкке үш миллион теңге қарыз болып қалған
![Ақтөбе облысында ауыл мұғалімі өзі білмей банкке үш миллион теңге қарыз болып қалған](/userdata/news/news_83525/image_l.jpg)
Фото:
Тұрар Қазанғапов ©/TENGRINEWS
Ақтөбе облысында ауыл мұғалімі алаяқтардың кесірінен банкке үш миллион теңге қарыз болып қалған, - деп хабарлайды Massaget.kz тілшісі "Диапазон" басылымына сілтеме жасап.
Басылым мәліметінше, Байғанин ауданындағы ауыл мектебінің мұғаліміне белгісіз адам қоңырау шалған.
Полиция департаменті мәліметінше, қоңырау шалған адам өзін банк қызметкері ретінде таныстырған. Ол алаяқтар 45 жастағы мұғалімнің банк шотын бұзуға тырысып жатқанын жеткізген. Ол мұғалімнен телефон нөміріне келген SMS-кодты айтуды сұраған.
Жәбірленуші қоңырау шалған адамның айтқанының бәрін орындаған. Ал кейін ол атына 3 миллион теңге несие рәсімделгенін білген.
Алаяқтар іздестіріліп жатыр.
Жаңалықтарды бәрінен бұрын біліп отырғыңыз келсе, Telegram-арнамызға жазылыңыз!
Ж. Қадыржанова