Ақтөбе облысында алимент төлемегендерге қылмыстық іс қозғалды

Прокуратурамен алимент төлеуден жалтару деректері бойынша 20 қылмыстық іс қозғалды, - деп хабарлайды Massaget.kz тілшісі Бас прокуратураға сілтеме жасап. 

Ақтөбе облысы прокуратурасымен жеке сот орындаушыларының өңірлік палатасының қызметіне тексеру жүргізілді.

Тексеру барысында алимент өндіру жөніндегі сот актілерін орындау барысында көптеген заңбұзушылық, оның ішінде борышкерлерді жұмысқа орналастыруда сот орындаушыларының әрекетсіздігі, борышкерлердің мүлкіне тыйым салынбау, тұрақты жұмысы бола тұра, еңбекақыдан қаражат ұстамау, борышкерлердің табыстарын жасыру, борышкерлердің туристік жолдамалар сатып алу және құмар ойындарға ақша салу, т.б. анықталды.

Бұдан бөлек, борышкерлер әкімшілік және қылмыстық жауапкершілікке тартылмаған.

Атап айтқанда, борышкерлердің бірі табысының әлдеқайда жоғары болғанына қарамастан жалған анықтама ұсынып, ең төмен мөлшерде алимент төлеген.

Тағы бір борышкер қымбат туристік жолдама сатып алуға қаржылық мүмкіндігі бола тұра, алимент төлемей, шетелге демалысқа шыққан.

Сондай-ақ 10 борышкерлер ақшалай қаражаттары бола тұра, оларды букмекерлік кеңселерде жұмсаған.

Тексеру нәтижесінде борышкерлерге ҚК-нің 139-бабымен 20 соталды тергеп-тексеру басталып, 5 борышкерге қатысты сот шешімдері шығарылды.

Өзекті жаңалықтарды өз уақытында оқу үшін Facebook парақшамызға жазылыңыз!