Ақтаудағы ұшақ апаты: аман қалғандардың тізімі пайда болды

Ақтауда құлаған Azerbaijan Airlines ұшағының аман қалған жолаушыларының есімдері белгілі болды, - деп хабарлайды Massaget.kz тілшісі.

Аман қалған (зардап шеккен) жолаушылардың тізімі (Tengrinews.kz ақпараты бойынша):

• Асанов Ринат, 03.11.2004 ж., азаматтығы: Қырғызстан.
• Османов Т., 20.08.1998 ж., азаматтығы: Қырғызстан.
• Джумалиев Е., 04.07.1988 ж., азаматтығы: Ресей.
• Евстегнеева К., 30.07.1990 ж., азаматтығы: Ресей.
• Байрамзара А., 28.03.2004 ж., азаматтығы: Әзербайжан.
• Әлиев З., 05.06.1998 ж., азаматтығы: Әзербайжан.
• Жалелов Н., 01.09.1992 ж., азаматтығы: Әзербайжан.
• Мамедов З., 17.08.1988 ж., азаматтығы: Ресей.
• Сираков Н., 17.03.1953 ж., азаматтығы: Әзербайжан.
• Арысбаева М., 06.02.1980 ж., азаматтығы: Ресей.
• Асадов С., 15.08.1967 ж., азаматтығы: Әзербайжан.
• Бисекеева Д., 1970 ж., азаматтығы: Ресей.
• Караев Н., 07.06.1988 ж., азаматтығы: Әзербайжан.
• Сейдахматова М., 1975 ж., азаматтығы: Ресей.
• Кадиров Г., 28.05.1978 ж., азаматтығы: Әзербайжан.
• Разимли А., 20.09.1999 ж., азаматтығы: Әзербайжан.
• Эдиев В., 15.09.1969 ж., азаматтығы: Ресей.
• Белгісіз (аты Азой), азаматтығы: Ресей.
• Жапаров Т., 26.04.1992 ж., азаматтығы: Әзербайжан.
• Дережиев Т., 09.01.1959 ж., азаматтығы: Әзербайжан.
• Дирбисиков С., 30.12.1986 ж., азаматтығы: Әзербайжан.
• Папахов С., 30.10.1976 ж., азаматтығы: Ресей.
• Кафа Ш., 26.01.1981 ж., азаматтығы: Әзербайжан.
• Белгісіз Лейла, 1996 ж., азаматтық: Әзербайжан.
• Рахимов С., 30.10.1976 ж., азаматтығы: Ресей.
• Белгісіз әйел, шамамен 32 жаста, азаматтығы: белгісіз.
• Белгісіз әйел, 40 жаста, азаматтығы: белгісіз.
• Арсбаева М. (бала), 13.08.2013 ж. Германияда тұрады, азаматтығы белгісіз.
• Джерова С. Х. (бала), 22.01.2008 ж., азаматтығы: Әзербайжан.

Ақтаудағы ұшақ апаты туралы не белгілі?

Еске салайық, 25 желтоқсанда Ақтау маңында Бакуден Грозныйға ұшып бара жатқан ұшақ апатқа ұшырады. Бұл - Azerbaijan Airlines әуекомпаниясына тиесілі Эмбраер 190 ұшағы. Алдын ала ақпарат бойынша ұшақ бортында 67 адам, оның ішінде 5 экипаж мүшесі болған.

Кейінірек Қазақстанның Төтенше жағдайлар министрлігі өкілдері оқиға орнына барды. Құтқарушылар жеткен кезде ұшақ жанып жатқан.

Қазақстанның Көлік министрлігі де төтенше жағдайға байланысты мәлімдеме жасады. Ал әлеуметтік желіде оқиға орнынан видеолар тарады.

Кейінірек ТЖМ оқиға орнындағы өрт сөндірілгенін хабарлады. Маңғыстау облысының әкімі Нұрдәулет Қилыбай ұшақ апаты болған жерге барды. 

Көлік министрлігі ұшақ бортында болған адамдар жөнінде алдын ала мынадай ақпарат жариялады: бортта 37 Әзербайжан, 6 Қазақстан, 3 Қырғызстан, 16 РФ азаматы болған.

Президент Қасым-Жомарт Тоқаевтың тапсырмасымен ұшақ апатына қатысты комиссия құрылды. Комиссия құрамына премьер-министрдің орынбасары, Маңғыстау облысының әкімі, төтенше жағдайлар, көлік, сыртқы істер, ішкі істер, еңбек және халықты әлеуметтік қорғау, денсаулық сақтау министрліктерінің басшылығы, Бас көлік прокуроры кірді.

Көліктегі Полиция департаменті төтенше жағдайға байланысты қылмыстық іс қозғады.

Маңғыстау облыстық Денсаулық сақтау басқармасының алдын ала мәліметі бойынша 4 адам қаза тапқаны расталған.

Ақтау маңындағы ұшақ апатынан аман қалғандардың видеосы тарады.

Ал Azerbaijan Airlines жолаушылардың тізімін жариялады.

Қазақстанның Төтенше жағдайлар министрлігінің сағат 15.55-тегі мәліметі бойынша аман қалған 29 адам бар, оның ішінде 2-еуі - бала, олар ауруханаға жеткізілді.

Ақтаудағы ұшақ апатына қатысты Бас прокуратура мәлімдеме жасап, оқиға орнына елдің Бас көлік прокуроры барғанын хабарлады. Қылмыстық іс Қазақстан Республикасы Бас прокурорының ерекше бақылауында.

Мемлекет басшысы Қасым-Жомарт Тоқаев Әзербайжан президенті Ильхам Әлиевке көңіл айтып, мемлекеттік комиссия тиісті шаралар қабылдап, Әзербайжан тарапына көмек көрсететінін мәлімдеді.

Аптаның басты оқиғалары мен пайдалы видеоларды көру үшін YouTube арнамызға жазылыңыз