Ақтаудағы ауруханада тышқан жүр

Фото: lada.kz

27 маусым 2022, 09:00

Ақтау тұрғыны ауруханада тышқан жүргенін айтты. Тышқан видеоға түсіп қалған, - деп хабарлайды lada.kz.

Жергілікті тұрғын Гүлжазираның айтуынша, ұлымен бірге 1А ықшамауданындағы облыстық жұқпалы аурулар ауруханасында емделіп жатыр. Бұлардан басқа палатада кішкентай балалар бар. Ауруханадағы тышқан үш күн бойы оларға қолайсыздық тудырған.

"Медбикелерден бұл мәселені шешуін өтіндім, өйткені дәретханаға да бара алмайсың. Бірақ олар ештеңе жасамады. Медициналық мекеме басшылығына жүгіндім, алайда олар мені елемей отыр", - дейді Гүлжазира.

Ж. Қадыржанова