Ақтауда көлік қаққан ер адам оқиға орнында көз жұмды

Қайғылы оқиға 15 қыркүйекке қараған түні 5 және 6 шағынаудандар арасындағы автожолда болды. Маңғыстау облысының полиция департаменті оқиға жайлы егжей-тегжейлі ақпарат берді, - деп хабарлайды Massaget.kz тілшісі Lada.kz-ке сілтеме жасап.

Ведомствоның мәліметінше, Toyota Camry жүргізушісі жаяу жүргіншіні қағып кетті, ол алған жарақат салдарынан оқиға орнында қайтыс болған.

Жол-көлік оқиғасына кінәлі ұсталып, полицияға жеткізілді.

Суреттер: Әлия Шәріпова

Адамның өліміне әкеп соққан жол жүру ережесін немесе көлік құралдарын пайдалану қағидаларын бұзу дерегі бойынша ҚР ҚК 345-бабы бойынша соталды тергеп-тексеру басталды.

Облыстық жедел және шұғыл медициналық жәрдем станциясының мәліметінше, қайтыс болған адам шамамен 40-50 жаста.

Instagram парақшамызға жазылып, ең қызықты ақпараттарды бірінші болып оқыңыз!