Ақтауда қаланың қақ ортасында төбелес ұйымдастырғандар ұсталды, - деп хабарлайды Massaget.kz тілшісі Lada.kz-ке сілтеме жасап.
Басылым мәліметінше, 9 мамырда түнде 5-шағынауданда орналасқан мейрамхана маңында жаппай төбелес болған. Оқиғаның видеосы әлеуметтік желілерде тарап кеткен.
Посмотреть эту публикацию в Instagram
Куәгер түсірген кадрлардан шамамен он шақты ер адам төбелескені көрінеді. Екі ер адам жолдың үстінде төбелесіп жатса, өзгелері келіп, бірігіп соққы жасаған.
Оқиға салдарынан көлік қозғалысы қиындап, жолда кептеліс пайда болған. Кейінірек оқиға орнына полиция қызметкерлері келген.
Маңғыстау облыстық Полиция департаментінің баспасөз қызметі мәліметінше, күдіктілер ұсталған.
"Бұл дерек бойынша қылмыстық іс қозғалды. Күдіктілер ұсталды. Қазір оқиғаның мән-жайы анықталып жатыр. Тергеу амалдары жалғасып жатыр", – деді полиция.
Аптаның басты оқиғалары мен пайдалы видеоларды көру үшін YouTube арнамызға жазылыңыз
Ж. Қадыржанова