Ақтауда 2,5 миллион теңгенің әткеншегі тағы жарамсыз болып қалған

Фото: Lada.kz

24 наурыз 2024, 19:35

11-шағынаудандағы "Ынтымақ" алаңындағы әткеншек, тұрғындардың айтуынша, жарамсыз болып қалды, - деп хабарлайды Massaget.kz тілшісі Lada.kz сайтына сілтеме жасап.

Ақтау тұрғындары "Трио" әткеншектерінің шынжыры тағы жұлынып кеткеніне шағымданды.

Жағдайға Ақтау қалалық тұрғын үй-коммуналдық шаруашылық бөлімі пікір білдірді.

"Осы нысанды қалпына келтіретін мердігерді анықтау үшін конкурс өткізіліп жатыр", - деп жауап берді бөлім өкілдері.

Жөндеу жұмыстарына бөлінген қаражат қосымша хабарланады. Әткеншек құны 2 миллион 553 мың 441 теңге болған.

Жаңалықтарды бәрінен бұрын біліп отырғыңыз келсе, Telegram-арнамызға жазылыңыз!

Д. Шәріпхан