Ақтау тұрғыны ақтөбелік үш зейнеткерді алдап кетті
![Ақтау тұрғыны ақтөбелік үш зейнеткерді алдап кетті](/userdata/news/news_84165/image_l.png)
Фото:
polisia.kz
Ақтөбеде 15-16 мамыр күндері 83, 87 және 90 жастағы зейнеткерлерді алдап кеткен тұрғын ұсталды, - деп хабарлайды Massaget.kz тілшісі.
Күдікті "құрбандарына" жақын туысының жол-апатына түскені және осы мәселені шешуге жәрдемдесетіні туралы айтып қоңырау шалған.
Егде жастағы жәбірленушілер жиналған барлық ақшасынан айырылып, жалпы шығын 5 миллион теңгеден асты.
Жедел-тергеу іс-шаралары барысында Ақтаудың 18 жастағы тұрғыны ұсталды.
Қазақстан Республикасының ҚК-нің 4-тармағының 190-бабы 3-бөлігі "Ірі мөлшерде, екі және одан да көп адамға қатысты алаяқтық" бойынша сотқа дейінгі тергеп-тексеру жүргізіледі.
Жаңалықтарды бәрінен бұрын біліп отырғыңыз келсе, Telegram-арнамызға жазылыңыз!
М. Лұқпан