Ақсу зауытындағы ірі өрт: зардап шеккен қыз комаға түсті

Ақсу ферроқорытпа зауытында өрт кезінде зардап шеккен жас краншы әйел 80 пайыз дене күйігін алып, комаға түсті. Бұл жайлы Павлодардағы №1 қалалық аурухананың баспасөз қызметі айтты, - деп хабарлайды Massaget.kz тілшісі Tengrinews.kz-ке сілтеме жасап.

Зауыттағы төтенше жағдай 24 мамырда болды, жұмыс кезінде екі кран машинисі термиялық күйік алды.

"25 жастағы науқас 25 мамырда №1 Павлодар қалалық ауруханасына жеткізілді. Өндірістік жарақат нәтижесінде оның денесі 80-85 пайызын термиялық күйіп қалған. Басы, беті, мойны, денесі, қолдары мен аяқтары күйген. 3-4 дәрежелі күйік шокы. Қыз реанимация бөлімінде, комада", - деп түсіндірді Павлодардың №1 қалалық ауруханасында.

Десе де, компанияда болған оқиғаның егжей-тегжейлігін әлі хабарланған жоқ. Оқиғаның нақты себептері мен мән-жайларын арнайы комиссия анықтайды.

Еске салайық, кеше әлеуметтік желіде өндіріс орнында қара қалың түтін көрінетін фотосурет пайда болды. 

Қызықты жаңалықтар мен видеоларды көру үшін TikTok арнамызға жазылыңыз!