"Ақшалай сыйақы алған". Алматы қаласы ТЖД басқармасының бастығы сотталды
!["Ақшалай сыйақы алған". Алматы қаласы ТЖД басқармасының бастығы сотталды](/userdata/news/news_96701/image_l.jpg)
Фото:
Tengrinews.kz / Тұрар Қазанғапов
Алматы қаласы ТЖД Басқармасының бастығы жемқорлық үшін сотталды, - деп хабарлайды Massaget.kz тілшісі Сыбайлас жемқорлыққа қарсы іс-қимыл агенттігінің баспасөз қызметіне сілтеме жасап.
8 желтоқсанда Қостанай қаласының №2 сотымен Алматы қаласы ТЖД Басқармасының бастығы азаматтық қорғау подполковнигі А.К. Жаныспаевқа қатысты үкім жарияланды.
Ол кәсіпкерге қамқорлығы үшін жалпы сомасы 13 миллион теңгеден астам ақшалай сыйақы алғаны үшін кінәлі деп танылды.
Жаныспаев 5 жылға бас бостандығынан айырылып, арнаулы атағынан, сондай-ақ мемлекеттік қызметте өмір бойы қызмет атқару құқығынан айырылды.
Үкім заңды күшіне енген жоқ.
Өзекті жаңалықтарды өз уақытында оқу үшін Facebook парақшамызға жазылыңыз!
С. Сатыбалдина