Ақша, есірткі, қару: ҰҚК шекарашылардың бір жылғы жұмысы туралы есеп берді

ҰҚК Шекара қызметі 2024 жылғы жұмысының қорытындысын жариялады, - деп хабарлайды Massaget.kz тілшісі.

Шекарада 55 мыңнан аса адам Қазақстан Республикасының заңнамаларын бұзғаны үшін жауапкершілікке тартылған, соның ішінде 324 шетел азаматы шекараны бұзғаны үшін ұсталды, 383 шетел азаматының шекараны бұзу әрекеттерінің жолы кесілді.

Мемлекеттік шекара арқылы 15 041 заңсыз алып өту деректерінің алды алынды, соның ішінде:

• 451 - есірткі заттары (2 тонна 300 кг астам);
• 886 - қару мен оқ-дәрілер;
• 455 - діни әдебиет (24 087 дана);
• 5 283 - жалпы сомасы 160 млн теңгеден асатын жанар-жағармай материалдары;
• 6 086 - жалпы сомасы 70 млрд теңгеден аса халық тұтынатын тауарлар;
• 1 880 - жалпы сомасы 19 млрд теңгеден аса шетел валютасы.

Каспий акваториясында 390 браконьерлік деректерінің алды алынды:

• 196 жүзу құралы;
• жалпы ұзындығы 536 км тор болатын браконьерлік аулау құралдары;
• 1 994 (11 379 келі) бекіре тұқымдас балықтар;
• 87 814 (98 296 келі) ұсақ тұқымдас балықтар;
• 117 итбалық.

Алды алынған залал сомасы 4,6 млрд теңге болады.

Бұл деректер бойынша материалдар заңбұзушыларды жауапкершілікке тарту үшін құқық қорғау және сот органдарына жіберілді.

Өзекті жаңалықтарды өз уақытында оқу үшін Facebook парақшамызға жазылыңыз!