18 тамыз күні Оралдағы ескі әуежай ауданында жеке үйлердің бірінде пәтер ұрлығы тіркелді. Бұл кезде иелері үйде емес, қонақта болған, - деп хабарлайды Massaget.kz тілшісі polisia.kz-ке сілтеме жасап.
Қылмыскерлер үйге терезе арқылы кіріп, 3 миллион 200 мың теңге ақша, алтын бұйымдарды, ноутбук, сондай-ақ 1984 жылы туған үй иесіне тиесілі сейфте тұрған мылтықты ұрлап әкеткен.
Жедел-іздестіру іс-шараларын жүргізу барысында Бәйтерек ауданының бұрын пәтер ұрлығы үшін сотталған екі тұрғыны анықталып, ұсталды. Олар 2020 жылы Жұлдыз және Ескі әуежай шағын аудандарында эпизодтық пәтер ұрлығын жасағаны, бұл үшін сотталғандары анықталды.
Тінту кезінде ұрланған қару күдіктілердің бірінің тұрғылықты жерінен табылды, олар оны үйдің ауласына көміп тастаған. Ноутбук күдіктінің әпкесінен, ал алтын жалатылған білезік зергерлік бұйымдарды сатып алушыға тапсырылған.
Сонымен қатар ұсталғандардың бірінен 300 мың теңге табылып, тәркіленді.
Ұрлық фактісі бойынша қылмыстық іс қозғалды.
Күдіктілер ұсталып, уақытша ұстау изоляторына қамалды. Тергеу жүргізіліп жатыр.
Instagram парақшамызға жазылып, ең қызықты ақпараттарды бірінші болып оқыңыз!