АҚШ-тағы сайлау: Трамп негізгі жеті штаттың алтауында көш бастады

Америка Құрама Штаттарында президент сайлауы өтіп жатыр. Негізгі кандидаттар - республикашылар атынан Дональд Трамп және демократтар атынан Камала Харрис. Бұл - елдің 47-ші президенті сайланатын 60-шы президенттік сайлау, - деп хабарлайды Massaget.kz тілшісі.

The New York Times газетінің мәліметінше, Дональд Трамп Висконсин, Мичиган, Невада, Джорджия, Солтүстік Каролина және Аризона сияқты жеті негізгі штаттың алтауында көш бастады.

Ал Камала Харрис Нью-Мексико мен Вирджинияда жеңіске жетті. Демократтар атынан кандидаттың Трамптың 230 дауысына қарсы 205 дауысы бар.

Еске салайық, бұған дейін АҚШ-тағы алғашқы сайлау учаскелері жабылғаны хабарланды.

Кейін Associated Press мынадай статистика келтірді: Трампта 230 дауыс, Харристе 187 дауыс. Мұндай деректерді "Америка дауысы" да келтірді: 230 және 179 дауыс.

Анықтама: Сайлауда америкалықтар жаңа президентті ғана емес, вице-президентті, конгрестің 468 мүшесін, 11 штаттағы губернаторларды, сондай-ақ, жергілікті өзін-өзі басқару органдарына өкілдерді анықтайды.

Қызықты жаңалықтар мен видеоларды көру үшін TikTok арнамызға жазылыңыз!