АҚШ-тағы алғашқы сайлау учаскелері жабылды

АҚШ-тағы алты штатта сайлау учаскелері жабылды, - деп хабарлайды Massaget.kz тілшісі CBS News-ке сілтеме жасап.

Шығыс уақыты бойынша cағат 19:00-де (Астана уақыты бойынша 05:00) Джорджия, Индиана, Кентукки, Оңтүстік Каролина, Вермонт және Вирджиниядағы сайлау учаскелері жабылды.

Сағат 19:30-да Солтүстік Каролина, Огайо және Батыс Вирджиниядағы сайлау учаскелері жабылды.

Гавайи мен Аляскадағы сайлау учаскелерінде дауыс беру Астана уақыты бойынша сағат 10:00-де аяқталады.

Бірінші жалпыұлттық экзитпол мәліметтеріне сәйкес бүкіл елдегі сайлаушылардың 44 пайызы Трампқа оң көзқараспен қарайтынын айтқан, ал Харристі 48 пайызы қолдады.

Невада мен Пенсильваниядағы экзитпол нәтижелері Трамптың жеңісін көрсетеді, бұл штаттарда оған 47 пайыз дауыс берген.

Харрис Солтүстік Каролинада, Висконсинде жеңіске жетті, мұнда 47 пайыз дауыс жинады, ал Джорджияда 49 пайыз дауысқа және Мичиганда сайлаушылардың 48 пайызының қолдауына ие болды. Аризонада екі үміткер де 46 пайыз жинады.

Анықтама: Америка Құрама Штаттарында президенттік сайлау аясында негізгі кандидаттар - республикашылар атынан Дональд Трамп және демократтар атынан Камала Харрис. Бұл - елдің 47-ші президенті сайланатын 60-шы президенттік сайлау.

Сайлауда америкалықтар жаңа президентті ғана емес, вице-президентті, конгрестің 468 мүшесін, 11 штаттағы губернаторларды, сондай-ақ жергілікті өзін-өзі басқару органдарына өкілдерді анықтайды.

Қызықты жаңалықтар мен видеоларды көру үшін TikTok арнамызға жазылыңыз!