Ақпанда ауа райы қандай болады?

"Қазгидромет" ақпанға арналған ауа райы болжамын ұсынды, - деп хабарлайды Massaget.kz тілшісі.

Ақпан - жылдың ең құбылмалы айларының бірі, бұл айда ауа температурасы күрт өзгереді.

Ақпанның басындағы ауа райы

Ақпанның басында солтүстік-батыс циклоны әсерінен жауын-шашынды, бұлтты ауа райы, соның ішінде қар, жаңбыр, елдің солтүстік жартысында бұрқасын болжанады. Қазақстан аумағында екпінді жел, тұман және көктайғақ құбылыстары күтіледі. Республиканың басым бөлігінде ақпанның алғашқы күндері ауа температурасы төмендейді:

• елдің батысы мен оңтүстігінде күндіз 0,+10°С дейін;
• республиканың солтүстік жартысында түнде -2-7°С дейін, күндіз -4+1°С дейін.
• елдің шығысы мен орталығында түнде -12-20°С, күндіз 0,-8°С дейін жылынады деп болжанады.

Бірінші онкүндіктің екінші жартысында Салехард аудандарынан ығысатын суық антициклон әсерінен Қазақстанда ауа температурасы төмендейді:

• елдің солтүстік жартысында түнде -28-35°С дейін, күндіз -20-25°С дейін;
• оңтүстік жартысында түнде -13-20°С дейін, күндіз -5-12°С дейін, таулы аймақтарда және оңтүстік аймақтардың солтүстігінде түнде -30°С дейін, күндіз -20°С дейін.

Екінші, үшінші онкүндіктер

Ақпанның екінші және үшінші онкүндіктерінде қар жауады, тұман мен көктайғақ күтіледі. Республиканың оңтүстік және оңтүстік-шығыстың таулы аймақтарында қатты жауын-шашын (жаңбыр, қар) жаууы мүмкін.

Ауа температурасы да төмендейді:

• солтүстік жартысында және ҚР орталығында түнде -25-35°С дейін, күндіз -15-25°С дейін;
• республиканың оңтүстік жартысында және оңтүстік-батысында түнде -12-22°С дейін, күндіз -3-15°С дейін.

Кейін Қазақстанның солтүстік жартысында күндіз -5+3°С дейін, елдің оңтүстік жартысында және оңтүстік-батысында күндіз +5+15°С дейін жоғарылайды.

Өзекті жаңалықтарды өз уақытында оқу үшін Facebook парақшамызға жазылыңыз!