Ақмола облысында ұзақ уақыт жерді пайдаланбаған ЖШС жер телімінен айырылды, - деп хабарлайды Massaget.kz тілшісі.
Ақмола облысы, Шортанды ауданы, Дамса ауылдық округінің әкімшілік шекараларында орналасқан ЖШС-не қатысты Ақмола облысы жер ресурстарын басқару департаментімен жүргізілген тексеру барысында жалпы ауданы 20,0 га жылыжай (көкөніс өсіру) құрылысына берілген жер телімін ұзақ уақыт пайдаланбау фактісі анықталды.
Департаментпен ЖШС-не аталған бұзушылықтарды бір жыл мерзімде жою бойынша тиісті нұсқама берілді.
Алайда аталған нұсқама орындалмағандықтан 2024 жылғы 14 ақпандағы Шортанды аудандық сотының қаулысымен ЖШС «Әкімшілік құқық бұзушылық туралы» Қазақстан Республикасы кодексінің 462-бабының 3-бөлігі бойынша әкімшілік жауапкершілікке тартылды.
Ақмола облысының мамандандырылған ауданаралық экономикалық сотының шешімімен Департаменттің талап арызы бойынша ЖШС-нің жер телімін мәжбүрлеп алып қою туралы шешім шығарылды.
Өзекті жаңалықтарды өз уақытында оқу үшін Facebook парақшамызға жазылыңыз!