Ақмола облысында тұрғын үйден өрт шығып, 2 адам өлі табылды
![Ақмола облысында тұрғын үйден өрт шығып, 2 адам өлі табылды](/userdata/news/news_98507/image_l.png)
Ақмола облысы Щучье қаласында өрт болып, 2 адам өлі табылды, - деп хабарлайды Massaget.kz тілшісі Ақмола облысының ТЖД баспасөз қызметіне сілтеме жасап.
Бүгін Бурабай ауданы Щучинск қаласында екіқабатты төрт пәтерлі тұрғын үйде өрт шықты.
Өртті сөндіруге 7 бірлік техника мен жеке құрамның 22 адамы жұмылдырылды. Үй толығымен ағаш құрылымдардан тұрғызылғандықтан және отқа төзімділіктің 5 дәрежесіне жататындықтан өртті сөндіру жоғары өрт жүктемесімен қиындаған болатын. Өрт толығымен сөндірілді.
Өртті сөндіру кезінде 2 мәйіт табылды. Ақмола облысының ТЖД қаза болғандардың туыстарына қайғыра көңіл айтады.
Облыстық ТЖ департаменті тұрмыста өрт қауіпсіздігі шараларын сақтауға шақырады.
- электр желілерін шамадан тыс жүктемеңіз;
- жылыту пештерін қараусыз қалдырмаңыз және оларды ұзақ уақыт қыздырмаңыз;
- электр жабдықтары мен электр сымдарының жарамды күйін қадағалаңыз;
- қосылған электр тұрмыстық және газ аспаптарын қараусыз қалдырмаңыз;
- ешбір жағдайда балаларды қараусыз қалдырмаңыз.
Instagram парақшамызға жазылып, ең қызықты ақпараттарды бірінші болып оқыңыз!
С. Сатыбалдина