Ақмола облысында жұмысшы 6 мың вольтты электр тоғына түсіп мерт болды

Ақмола облысында жұмысшыны тоқ соғып, мерт болды, - деп хабарлайды Massaget.kz тілшісі polisia.kz-ке сілтеме жасап.

10 қазанда Аршалы ауданының полиция бөліміне аудан кәсіпорындарының бірінің басшысынан нысанда электрик-реттеуші қаза тапқаны туралы хабарлама келіп түсті.

Қайтыс болған 56 жастағы қызметкер экскаваторды электр қуатынан ажыратпай, 6 мың вольтты электр тоғына түскені белгілі болды.

Осы фактіге қатысты полиция бөлімі ҚР Қылмыстық кодексінің 156-бабы 3-бөлігі бойынша ("Қауіпсіздік техникасы қағидаларын бұзу") бойынша сотқа дейінгі тергеп-тексеруді бастады.

Сот-медициналық сараптама тағайындалды. 

Аптаның басты оқиғалары мен пайдалы видеоларды көру үшін YouTube арнамызға жазылыңыз