Ақмола облысында жол апатынан 16 жастағы жолаушы көз жұмды, - деп хабарлайды Massaget.kz тілшісі.
Облыстық полиция департаментінің мәліметінше, апат Астана - Петропавл тасжолының 289-шақырымында болған.
"Жол апаты салдарынан Hyundai Santa Fe автокөлігінің 16 жастағы жолаушысы жедел жәрдем көлігінде көз жұмды. 65 жастағы жолаушы түрлі жарақаттарымен медициналық мекемеге жеткізілді", – деп мәлімдеді Ақмола облысы ПД.
Ведомствоның дерегінше, қазір соталды тергеу жүргізіліп жатыр.
Еске салайық, кеше Семейде жолаушылар автобусы мен кран соқтығысқан еді. Соның салдарынан автобус жүргізушісі мен екі жолаушы жарақат алған.
Жаңалықтарды бәрінен бұрын біліп отырғыңыз келсе, Telegram-арнамызға жазылыңыз!