Ақмола облысында Жабай өзенінің түбі тазартылып жатыр

Ақмола облысының Атбасар ауданында су тасқынын алдын алу бойынша алғаш рет Жабай өзенінің арнасын тазарту жұмыстары басталды. Шөгінділердің салдарынан өзеннің арнасы тарылып, жылдар бойы су тасқыны орын алып келді, деп хабарлайды Ақмола облысының ішкі саясат басқармасынан.

Бұған дейін жергілікті билік өзендегі судың арнадан асып кету қаупімен күресіп келді, алайда, одан еш нәтиже болмады.

Биылғы көтемдегі су тасқыны кезінде Ақмола облысының әкімі Марат Ахметжанов Атбасар ауданына бірнеше рет жұмыс бабымен барып, халықпен кездесулер өткізді. Онда жыл сайын қайталанып тұратын су тасқынын болдырмаудың жолдарын қарастырған еді.

Ақсақалдар өткен ғасырдың өзен түбін тереңдету тәжірибесін ұсынды, ол үшін су объектілерін тазартуға арналған жерсорғыш снаряд сатып алынды. 

Өңір басшысы жүзбелі агрегатты сатып алу туралы шамамен бір ай бұрын облыстың Қоғамдық кеңесіне өңірді дамыту жөніндегі жобаларды таныстырған.

Өнімділігі бар қалқымалы техникалық құрал келесі күні ауданға жеткізілді. Ал бүгін жабдық қыңыр өзен арнасында сынақ режимінде жұмыс істей бастады.

Марат Ахметжанов жер снарядының жұмысымен танысып, Жабай өзенінің арнасын тереңдету мен кеңейту елу жылда алғаш рет жүргізіліп жатқанын атап өтті.

«Жер снарядының ұзындығы 9 км, Жабай өзенінің арнасын сегіз метрге дейін тереңдетеді. Бүгінде снаряд сынақ режимінде жұмыс істейді, қозғалтқыш іске қосылады. Бір-екі күннен кейін өзенді лай мен құмнан толық тазарту басталады. Бұл жұмыс жыл сайын су тасқынынан жапа шегетін Атбасар ауданы үшін қажет. Қазір су тасқынына дайындық шараларына инвестиция салу арқылы келшекте тасқын судан болатын зардаптарға кететін миллиардтаған қаржыны үнемей аламыз», - деп атап өтті облыс әкімі.

Қаланың көптеген тұрғындары да снарядтың жұмысын қызықтады.

«Мен отыз жыл бойы өзеннің жағалауында тұрдым, үйіме үш рет су келді. Биыл су тасқыны болды, біз жаңа пәтерге көшеміз. Бірақ өмір мұнымен аяқталмайды және біз болашақ су тасқынының алдын алу үшін осындай жұмыс жүргізіліп жатқанына өте қуаныштымыз, облыс әкімі халықтың пікірін тыңдады», - деді Атбасар тұрғыны, зейнеткер Николай Стригун.

Өңір билігі атап өткендей, блок-жиналмалы құрылым алдағы уақытта Көкшетаудағы Қылшақты өзенін тазарту үшін пайдаланылатын болады. 

Еске салайық, Жабай өзеніндегі судың деңгейі 2013, 2017 және 2024 жылдары көтеріліп, арнасынан асып тасыды. Соның салдарынан 300 және 500-ден астам үйді су басып, тұрғындарға материалдық залал әкелген еді.

Ақмола облысының Ішкі саясат басқармасы ұсынған материал

Instagram парақшамызға жазылып, ең қызықты ақпараттарды бірінші болып оқыңыз!